阿鴻小吃 (已搬遷) 新店位置

好耐冇食阿鸿小吃，今晚同老婆去食个早饭，未够7点黎到唔洗等位。素鹅（$65）：腐皮同卤水汁好match，扭转左我一向食开素鹅系脆嘅感觉。蒜香鸡捞面（$75）：唔想斋食捞面咁寡，叫埋蒜香鸡，有炸蒜香味，捞面唔会过咸，味道刚刚好。卤水鹅片饭（$80）：阿鸿小吃出名紧系食卤水鹅啦，卤水鹅片啖啖肉，有卤水汁嘅饭又超好送饭，正！老火汤（加配价$16）：是日老火汤系木瓜雪耳煲西施骨汤，饮落冇味精，有家庭式嘅味道，好滋润。埋单连加一$259.6，够饱又满足。