euro go go

营业中

休息中

昨日跟妈咪去沙田行街，妈咪话想食euro gogo 我地就黎左呢到等位食。以前食过其他分店一直都觉得几好食。沙田连城呢间第一次食，间舖都几细下，座位不多，但店舖后方有啲户外座位（不属餐厅范围但可以去果到用餐）。我地两人叫左两份下午茶餐，一份系面包布甸配热奶茶，一份系粟米薯蓉配七喜，另外再散叫左半份千岛薄饼。面包布甸我第一次食，冇得比较，但觉得都ok，唔会太甜，又有啲提子干系上面吊下味，但妈咪就觉得麻麻地，奶茶又偏苦。粟米薯蓉就正正常常，都ok，但杯七喜唔知系咪沟得太多水，好淡 千岛薄饼令人失望，平时系其他分店食好好味，呢次食好咸，咸味盖过千岛酱既味道搞到我地都冇食晒。