富山居 (裝修中)

今晚试了这家新开的日式餐厅，我们一行四人叫了三文鱼寿司两客(因为一客有两件)、一客细size蟹籽沙律、一客鳗鱼炒饭、一客大板烧酱油豚肉炒面、一客烧鲭鱼同埋一份日式煎饺子。最先到当然是三文鱼寿司，质素ok，$18两件就是这个味道吧。鳗鱼炒饭的份量比想像中少，炒饭ok不过鳗鱼就比较少。大板烧酱油豚肉炒面几好食，炒得够香兼且唔算多油。。细size的蟹籽沙律的份量就比想像之中来得大份，$38的价钱都几抵，味道都系咁啦，蟹籽蟹柳丝青瓜丝再加埋沙律酱嘅味道啰。烧鲭鱼都算大件，以$58一份而言，佢嘅份量系出面嘅1.5倍左右啦。呢间餐厅个日式煎饺子好难得真系煎唔系炸，味道无意见因为都系交货黎嘅预先包装货，只系煎返热比你食。最后一提，呢间餐厅嘅侍应有好大进步空间，唔系话佢哋偷懒唔落力，只系以我嘅观察有几个都好似游紧魂咁，同埋钟意推埋一齐做相同嘅工作，有啲乱，希望佢哋会越做越好啦。