無肉食 (堡壘街) (已結業)

其实叫得自己做自助餐既都应该要有齐几个原素─有沙律﹝或前菜﹞；有冷盘及热盘主菜；汤品及饮品；同埋甜品部分咁先够圆满。有肉食就满足到呢几个范畴！头盘部分，有啲凉伴既青瓜及其他的凉伴蔬菜。我好钟意凉拌沙葛，比其他蔬菜来得出色！因为选材非常新鲜，唔需要多加调味就已经好好食啦。之外仲有腐皮卷同埋鲜果沙律。腐皮卷获得一致好评，腐皮豆香非常重，炸得香脆而不油腻，内馅丰富可口。鲜果沙律卖相精致，能引起相当的食欲。主菜则比较逊色，来来去去都系煮菜、炒菜、炒粉面。其实建议可以做返啲唔同国家既风味小菜，如日本田乐茄子、意式千层面、泰式冬阴公等等，令菜式丰富一啲。汤品方面非常清甜，但味道较淡，建议可加啲盐。至于甜品力推芝士挞，细细个唔济胃之余仰冇酸味，热食果阵真系夸啦啦。