影片
更多
2019-08-12
1149 浏览
头盘系三款前菜拼凑而成嘅精美拼盘，石榴球系将石榴切成微丝加上话梅粉再搓成球状，口感比起就咁一件石榴肉更为细腻而且味道亦开胃清爽；紧接芥末鲍角当然系用可持续再生嘅澳洲青边鲍，慢煮后口感弹牙得嚟又比平时食到嘅鲍鱼更软身，而且仲有个wasabi酱提鲜；最后灯影牛肉就系将肩胛肉手切薄片再炸成，感觉好似台湾猪肉纸咁薄脆但又带牛香✨汤品系椰皇炖鸡汤，响用料上下咗唔少心思，以云南火腿代替过份抢味嘅金华火腿感觉更为温和，配上黑杞子同本地鲜鸡，再加埋椰子水一齐熬炖，老火汤得嚟又唔会好上火，入口舒服✨两道主菜有彷如珊瑚嘅云蛋龙虾球，同样系可持续龙虾尾，味道鲜嫩，再加梳乎厘质感嘅云蛋同松露，无论味道定系质感都再添层次✨而东坡肉则满满嘅慢煮感，肉质超腍超松化，厨师介绍时亦特别提到烹煮时分别用咗镇江醋同意大利陈醋两种唔同感觉嘅醋嚟炆煮，带香醇嘅醋香又唔会过于霸道，酸甜感同猪肉香完美混合，超好食超喜欢呢道菜✨饭食海龙王炒饭就系高功架之作，鲍鱼龙虾蟹肉同杂菜与炒饭完美结合，每样食材大负都处理到大细差唔多，而且成个炒饭粒粒分明，口感亦都干爽唔会带多余嘅油份，再加上面头嘅紫椰菜令成个炒饭变成新潮打卡佳作✨最后甜品亦系好
汤品系椰皇炖鸡汤，响用料上下咗唔少心思，以云南火腿代替过份抢味嘅金华火腿感觉更为温和，配上黑杞子同本地鲜鸡，再加埋椰子水一齐熬炖，老火汤得嚟又唔会好上火，入口舒服✨
两道主菜有彷如珊瑚嘅云蛋龙虾球，同样系可持续龙虾尾，味道鲜嫩，再加梳乎厘质感嘅云蛋同松露，无论味道定系质感都再添层次✨
而东坡肉则满满嘅慢煮感，肉质超腍超松化，厨师介绍时亦特别提到烹煮时分别用咗镇江醋同意大利陈醋两种唔同感觉嘅醋嚟炆煮，带香醇嘅醋香又唔会过于霸道，酸甜感同猪肉香完美混合，超好食超喜欢呢道菜✨
饭食海龙王炒饭就系高功架之作，鲍鱼龙虾蟹肉同杂菜与炒饭完美结合，每样食材大负都处理到大细差唔多，而且成个炒饭粒粒分明，口感亦都干爽唔会带多余嘅油份，再加上面头嘅紫椰菜令成个炒饭变成新潮打卡佳作✨
最后甜品亦系好适合打卡嘅超精致金鱼奶冻，配上养生superfood奇异果籽同手工丸子，感觉清甜健康✨
成个六道菜套餐七百尾，虽然每样嘢都好精致细份，但食哂成个餐都几饱，平时响酒楼食啲乜宴物宴都系差唔多价钱，但呢度唔系对住啲酒楼龙凤装修而系对住成缸鱼有啲仲大条过成个人，净系个震撼感都抵返哂😍
张贴
