影片
更多
2023-04-14
32 浏览
呢间Cafe个名已经好特别好搞笑，但佢装修一啲唔马虎！唔好睇佢小店舖头细细，原来有两层高，平日夜晚嚟都坐满晒人㗎！室内装修以灰白色水泥风为主调，仲有少少榻榻米位置🎎，又带少少波希米亚风，少女心爆发，颇具心思！食物方面都几吸引而且特别，唔会一式一样都系𠮶啲普通嘅Cafe嘢，主食同甜品都各有特色，而且饮品款式好多，每款都想试吓～🤩------------------------------🦀◖刺身带子三文鱼籽明太籽猫耳朵◗ $158本身佢系手卷粉，但系咁啱冇晒货，店家改咗做猫耳朵嚟取代手卷粉。猫耳朵煮得啱啱好，好有咬口，食落带有韧劲！个酱汁底系香辣明太子酱，夹杂左啲三文鱼籽，少少辣而且仲有粒粒鱼子嘅咬口，均匀包裹住每粒猫耳朵，食落口感好正，又惹味！佢一碟仲有三粒大带子同埋啲蟹肉，仲有一大旧蟹膏，劲足料，鲜味十足好鲜甜！🧀◖疯狂芝士．野菌．大啡菇．多士◗ $88佢嘅多士同我想像中有啲出入，本身以为系一大片多士上面整到好似Pizza咁～原来佢系将啲芝士热溶左喺个锅度，同啲大啡菇同野菌混合煮埋一齐，再摆多士薄片。成碟嘅芝士同埋野菌味道超香浓，先将啲芝士拉丝搽落个多士片到，再一啖摆入口，芝士嘅奶香
------------------------------
🦀◖刺身带子三文鱼籽明太籽猫耳朵◗ $158
本身佢系手卷粉，但系咁啱冇晒货，店家改咗做猫耳朵嚟取代手卷粉。猫耳朵煮得啱啱好，好有咬口，食落带有韧劲！个酱汁底系香辣明太子酱，夹杂左啲三文鱼籽，少少辣而且仲有粒粒鱼子嘅咬口，均匀包裹住每粒猫耳朵，食落口感好正，又惹味！佢一碟仲有三粒大带子同埋啲蟹肉，仲有一大旧蟹膏，劲足料，鲜味十足好鲜甜！
🧀◖疯狂芝士．野菌．大啡菇．多士◗ $88
佢嘅多士同我想像中有啲出入，本身以为系一大片多士上面整到好似Pizza咁～原来佢系将啲芝士热溶左喺个锅度，同啲大啡菇同野菌混合煮埋一齐，再摆多士薄片。成碟嘅芝士同埋野菌味道超香浓，先将啲芝士拉丝搽落个多士片到，再一啖摆入口，芝士嘅奶香同菇嘅味道好夹，大啡菇仲要好Juicy，好满足！不过略嫌佢嘅多士薄片唔够脆呢，变咗普通包～
☕️◖黑芝麻鲜奶◗ $48
乌卒卒嘅黑芝麻鲜奶加上拉花，真系好靓！饮落去奶泡口感都几浓厚，味道微甜，但略嫌黑芝麻香味唔够浓郁，奶味会比较出～
🍹◖抹茶菠萝梳打◗ $46
平时抹茶鲜奶饮得多，抹茶嘅梳打真系少啲饮～抹茶同菠萝都系比较重味道嘅嘢，沟埋一齐抹茶嘅味道就好似消失咗，味道反而同普通嘅菠萝梳打差唔多～🙈
🌟 Encore指数：8.5/10
张贴
