影片
更多
2011-06-23
21 浏览
讲几句题外话先，因为工作关系，经常会去各区餐厅食饭，但又冇认真谂过要写下食评咁...突然有日好无聊系咁睇OPENRICE，唔知受左D咩刺激，突然好想的定心肝写下，同大家分享下，所以(讲左咁耐都唔关事..呢个"所以"只系下台阶，文字上冇实际转折作用=,=)，写今次系我第一次写食评，首先讲句多多指教~好!入正题!今次食呢间金装炖奶佬，其实都冇咩特别原因，纯粹因为今日3号风球，落雨湿湿，想揾个坐得舒服D而又唔系好贵既地方食晚饭。7点几入到去，冇咩人，光猛，干净。睇下餐牌，都几多选择，而且唔系D干炒牛河个D茶餐厅例牌野。价钱，40至60蚊左右，唔系平，但系铜锣湾，差唔多啦。贪得意叫左个芝士猪扒天使面配茄蓉，其实我都唔知佢个名系咪咁叫...因为个名好长......即系个猪扒里面有芝士个种呢~佢一上，就见到D芝士系猪扒面流紧出黎，相当吸引。不过一切开个下，我忍唔住讲左声:「车...」里面芝士唔多，虽然唔系可能因为切之前太大期望，所以有D失望。但老实讲，都算系咁啦，比K-11某间有芝士猪扒既餐厅，都系差唔多。天使面都OK。个汁呢，都冇"蓉"既，明明个名叫「茄蓉」架wor...唔系唔好食，只系令人希望
讲几句题外话先，因为工作关系，经常会去各区餐厅食饭，但又冇认真谂过要写下食评咁...突然有日好无聊系咁睇OPENRICE，唔知受左D咩刺激，突然好想的定心肝写下，同大家分享下，所以(讲左咁耐都唔关事..呢个"所以"只系下台阶，文字上冇实际转折作用=,=)，写今次系我第一次写食评，首先讲句多多指教~
好!入正题!今次食呢间金装炖奶佬，其实都冇咩特别原因，纯粹因为今日3号风球，落雨湿湿，想揾个坐得舒服D而又唔系好贵既地方食晚饭。
7点几入到去，冇咩人，光猛，干净。睇下餐牌，都几多选择，而且唔系D干炒牛河个D茶餐厅例牌野。价钱，40至60蚊左右，唔系平，但系铜锣湾，差唔多啦。
贪得意叫左个芝士猪扒天使面配茄蓉，其实我都唔知佢个名系咪咁叫...因为个名好长......
即系个猪扒里面有芝士个种呢~佢一上，就见到D芝士系猪扒面流紧出黎，相当吸引。不过一切开个下，我忍唔住讲左声:「车...」
里面芝士唔多，虽然唔系可能因为切之前太大期望，所以有D失望。但老实讲，都算系咁啦，比K-11某间有芝士猪扒既餐厅，都系差唔多。
天使面都OK。个汁呢，都冇"蓉"既，明明个名叫「茄蓉」架wor...唔系唔好食，只系令人希望愈大，失望愈大者….因为我系蕃茄爱好者来的!!!
另外朋友食的明虾球拼斑球饭，d汁个样好开胃，卖相唔错，味道ok，同咕噜肉差唔多。不过份量略少，如果系男孩子既话，应该唔系好够食。
华田火山，佢改到个名咁劲，唔系唔试下呀麻~不过跟饭都要加$6，唔…对我呢d穷苦学生黎讲，有少少，少少贵啦。
好，咁个华田火山到底好唔好饮呢?都系个句，ok啦。只不过系有堆粉系面，有d口感咁，脆脆地， 但冇想像之中咁甜。有gimmick既的确。题外话，我落order要华田火山既时候，个侍应妹妹话:「华田火山要加钱6蚊架wor。」我话ok，跟住佢又问我要冻定热，我心谂，热既话d粉一落水咪即刻溶?但我多口问多句:「咁冻系咪要再加钱?」佢傻下傻下咁话系，仲同我讲冻既话要加9蚊。我又心谂，虽然你咁讲到就要热架啦，反正平d钱。转个头，阿妹妹返黎讲唔好意思，原来华田火山只有冻的，所以亦冇加9蚊呢回事。
其实个妹妹都好有礼貌，不过前后仲出左几次错，如果遇著个恶d既就惨lu。
张贴
