甜點

营业中

休息中

今晚可以同老公食完晚饭后周围行下，大食嘅我梗系行行下又肚饿啦，心思思想食下野，但老公又唔太想食咸野..我偏偏就唔想糖甜品，于是就谂到甜点啦。我叫左个芝士烟肉军舰配蟹柳沙律：我认我真系好似食极唔够咁，上次我又系比军舰吸引住，不过个次系食芝士火腿，今次系烟肉。好多芝士系入面，烟肉都算多，加埋个法包黎食系一流，唯独系个蟹柳沙律出左水...有d唔系咁好....我记得上次芝士火腿时佢入面有奇怪嘅千岛汁同生菜一块，唔知点解今次冇左，唔通系我记错？跟我份军舰会有饮品送，我拣左冻朱古力（难得冻饮唔洗加钱），但呢杯朱古力就甜左少少，等到d冰溶左少少沟淡左就刚刚好啦。我老公又叫返呢个士多啤梨脆方砖：因为佢系即整所以要等一阵，但可以食到好野又点会介意等个一阵呢？上到黎d包砖果然仲系热嘅，又够脆，再加上有蜜糖系面甜甜地好正、上面有球cookies and cream 雪糕加埋热嘅砖食就好特别。食埋有少少酸味嘅士多啤梨可以中和返甜度。呢度仲有自助免费花茶饮，虽然系唔洗钱但质素都唔差，不过系唔够热姐。