影片
更多
2008-11-02
1 浏览
一向对麻布茶房都几有好感，过往几年，都觉得佢地无论服务及食物水准都不错，不过去完美丽华商场分店，我谂短期内都唔会去喇！今晚同朋友一行3人去吃饭，由于有一友人未到，故先叫了一客"XXXXX海鲜烧乌龙面"(个名太长，唔记得喇)同埋两个小食食住等，呢个面都几贵，要$79.8，若果好食，贵D都OK啦！点知个面整得都几"求其"，内里的海鲜显得有点缺水，但最弊系：餐牌上写这个食品做"极品"，OH！认真极品！叫咗呢个面的同时，也叫了：一客芝麻冷波菜：这个味道还可以啦！不过芝麻汁稍"杰"。焗什菌豚肉：呢个等咗成20分钟，嚟到见到个造型，真系唔得，份量很少，最离谱系话明焗什菌，但系D菇系冻嘅，我跟住摸吓个锡纸底，只系微暖，我同个waitress讲个菇唔热㖞，佢剩系应我一句"哦"，道歉都无声，算啦！隔咗一阵，见到佢拎番碟菇俾我地，今次好够热喇！因为见到佢冒烟，相信是替我们炒番热，不过佢地只系好"求其"咁摆番落个锡纸度，D肉丝干晒，咁嘅食物质素，真系枉为著名日本食店。本来我地谂住等齐人再叫多D嘢食，最后我地食完呢几样嘢就走喇！但系埋单都要成差不多$150，超唔抵食！友人话食这几样食物时，觉得D食物煮得唔够H
今晚同朋友一行3人去吃饭，由于有一友人未到，故先叫了一客"XXXXX海鲜烧乌龙面"(个名太长，唔记得喇)同埋两个小食食住等，呢个面都几贵，要$79.8，若果好食，贵D都OK啦！点知个面整得都几"求其"，内里的海鲜显得有点缺水，但最弊系：餐牌上写这个食品做"极品"，OH！认真极品！
叫咗呢个面的同时，也叫了：
一客芝麻冷波菜：这个味道还可以啦！不过芝麻汁稍"杰"。
焗什菌豚肉：呢个等咗成20分钟，嚟到见到个造型，真系唔得，份量很少，最离谱系话明焗什菌，但系D菇系冻嘅，我跟住摸吓个锡纸底，只系微暖，我同个waitress讲个菇唔热㖞，佢剩系应我一句"哦"，道歉都无声，算啦！隔咗一阵，见到佢拎番碟菇俾我地，今次好够热喇！因为见到佢冒烟，相信是替我们炒番热，不过佢地只系好"求其"咁摆番落个锡纸度，D肉丝干晒，咁嘅食物质素，真系枉为著名日本食店。
本来我地谂住等齐人再叫多D嘢食，最后我地食完呢几样嘢就走喇！但系埋单都要成差不多$150，超唔抵食！
友人话食这几样食物时，觉得D食物煮得唔够Heart，我都几同意！
张贴