新星海鮮酒家 (已結業)

同事退休，farewell午饭唔少得！依间算系𠮶头首选的茶楼，老细请客包两枱，任点任食！是日所点都系点心为主，不过已叫人跌眼镜。流沙奶皇包 - 最名不符实，完全唔流，无咗食到成手都系奶皇的情景；虾饺 - 物价通涨缩水可以谅解，不过唔爽口唔弹牙就唔掂；烧卖 - 同虾饺一样唔爽口，食咗完全唔觉系食紧烧卖lor；牛肉肠粉 - D牛肉少得可怜，肠粉皮厚到阿妈都唔认得，正因为厚皮，食咗落肚发涨已占不少位置；咸水角 - 还算脆身，不但D内涵就偷工减料lor；凤爪 - 总算系水准，够软身，又入味；椰皇焗西米布甸 - 全场最佳，焗得刚刚好，少少焦香喺面头，中间D西米布甸就滑口，味道好，唔会太黏！水准再跌，唔使钱都去第二间！