泰式燒王 (已結業)

上次试过觉得唔错，所以再番去。坐低叫咗3样嘢：海鲜沙律、泰式烧鸡、芋头焗饭及一个椰青。先讲海鲜沙律─酸辣程度略为偏辣，所以叫咗个椰青！如果食得辣呢只会唔错！泰式烧鸡今次就颇为失望，因为明显系雪藏货仲无乜味！无泰式辣酱吊味，就好似水浒传鲁智深话斋：淡出鸟来！最后想赞芋头焗饭：除咗料足、饭香，软硬适中，值得推荐！临尾仲有段小插曲：俾咗人地张二百几嘅单我！调查变咗$162，不过又计错沙律，结果系$166落楼！如果你唔太要求服务质素同接受水准参差，你都可以试下呢间嘅！如果呢餐碟鸡可以有番上次嘅水准，我会俾好高分佢！