鮮入圍煮 (已搬遷) 新店位置

由当年新开张便帮衬左好多次，好钟意佢嘅花胶鸡煲，好浓，好好味，佢系劲难book位，打极电话都唔通，试过亲身上去book枱添。事隔左段时间再上去帮衬，由于电话又系长期无人听，咁就6点上去walkin碰运气，有枱嘅，不过要同人搭枱，好啦，我同朋友都唔介意嘅，跟住话限时一个半小时，哗，打边炉个半钟真系好chur啰，咁由于朋友未试过食，咁个半钟就个半钟。一坐低发现自己好似置身大陆嘅火锅店，比国语包围，全部都系内地人，然后花胶鸡嚟左，好咸，花胶劲腥，差左好多，我地两个女仔叫左半只鸡煲，牛肉（$188），鲜枝竹，花胶虾丸，冬瓜，唐生菜，油炸鬼，乌冬，3支可乐，埋单八百几，其实真心好唔抵。我估以后都唔会再嚟。我曾经都好捧场，一个月食3次，真系几钟意间嘢嘅，但系今晚之后就唔会再帮衬。