邊澗鐵板燒日本料理 (已結業)

记得之前黎过一次,食物都唔错,希望水准依然。今日都几多人一齐食,所以款式都可以多叫少少。首先就叫左个刺身拚盘,依个真系几多种类,咩都有少少,有拖罗,三文鱼,海胆个类野,最紧要系佢够新鲜,同埋件件都好厚,完全无偷工减料。不过就每人食得少少,不过食太多又觉得唔珍贵。另外就叫左个天妇罗,只能够用好好食去形容,炸得好香好脆,又唔会太油腻,而且佢个蕃薯真系好甜好好味,黎到绝对要试下。之后叫左串烧，个牛舌非常之好味，又系厚过其他好多,其他既串烧都有水准,只系唔够突出,再值得一提既系牛扒,控制得好好,肉汁多,调味又唔错,可以试。最后就食埋甜品就走人,其实环境几舒服,野食又唔错,得闲既可以同班朋友成日黎。