彩

营业中

休息中

慕名来到元朗超出名既彩食沾面，听过唔少人大赞呢度既沾面，甚至讲到系全港最好食，慕名一试，味道唔错而且个面好特别，但冇其他人讲到好食得咁夸张。我点的是猪骨汤配黑胡椒面，整体味道唔错：黑胡椒面：几令人惊喜，除左个面质有咬劲，个味道都唔错，食落真系有黑胡椒既辣劲，食到好过瘾，绝对系真材实料，落足黑胡椒！同埋好挂汤食落一啲都唔寡。猪骨汤：都几浓郁、但太咸，食完都几口渴。汤底仲有葱丝配料，都几香，仲有啲辣辣地，味道好有层次，不过仲食得出有果皮？味道几清新但有啲唔系好夹。叉烧：肉质上乘、仲要系厚切有咬口好满足，最正既系佢仲有阵猪膻味，个人几中意呢啲重口味，但同行者觉得太膻。味玉：个蛋竟然系成碗面入面我觉得最好食既主角，系100分既溏心蛋，一咬落走蛋黄香超浓郁同埋个流心既口感真系好正！如果唔系怕胆固醇高，真系好想encore 3只！整体黎讲个面系自家做好特别、个蛋又超级好食，值得一试但食完冇回头既欲望。