彩

营业中

休息中

未到6點已經開始有人排隊等位係出邊都等果陣好似聞到有少少異味一够6點入座即刻滿嗮人入到去冇異味 異味有機會係食材（筍）本身嘅味道上次坐係門口靠牆位好濃鬱嘅異味 有機會係熬煮湯嘅食材傳出來嘅味道今次坐係面對廚師嘅位置 就冇咩異味伯爵面感覺冇咩伯爵味 面身有啲伯爵茶葉 個豚骨湯味完全蓋過伯爵面嘅味道蝦湯十分鮮 蝦味濃郁 有蝦油浮係表面 但就偏咸咗少少味噌湯面應該係新嘢 味道都唔錯 叉燒非常霖身但又唔會散開嗮 係完整嘅叉燒 每次食必加

睇咗人地用咗咩食材先啦~嗰啲係醃筍味嚟！唔識就唔好亂🐕咁寫人！唔平反唔得！有啲人未食過，唔識食就話人地間舖有陣味，仲講到有尿墊味咁，其實嗰啲係醃筍味嚟，聞唔慣或者未聞過唔識食，就扮晒食家專家亂🐕咁寫人，咁樣對人地間小店好__唔公道，根本就唔__識！呢次唔平反唔得！事原，第一次食 彩 女友介紹既，咁我open rice打開一睇，嘩！話有尿味？！ 咩料呀！咁我咪check囉～～嗰晚女友話母親節 叫埋佢媽媽嚟試，咁我地早到，老人家佢地唔識路，都盡量留位比我地，都真係盡量，店收2100，服務唔錯，咁我比較傳統一定要齊人先起筷，店員叫我地叫咗先，咁麵到咗，老人家都未到，（因為嗰晚元朗撞車）人到齊就開波食嘢，店員仲主動幫忙加番熱啲湯，之後仲有得加湯加麵，如果有埋加飯撈湯就真係似足晒日本麵店玩法

在元朗的彩，我品嚐了一碗令人驚豔的蝦湯沾麵這道菜的蝦湯及黑胡椒麵是其亮點，湯底色澤金黃，散發著鮮美的蝦油香氣。每一口湯都帶著濃郁的蝦油豬骨湯味麵條的選擇也十分講究，滑順的質地與湯底相互交融，使每一口都十分掛湯。尤其是沾麵的吃法，讓人能夠品味到不同的風味層次，麵條的彈性與湯底的味道形成了絕妙的平衡。此外，餐廳的擺設簡潔而舒適，將去了日本拉麵店的感覺，讓整個用餐體驗更加愉悅。總體而言，彩的蝦湯沾麵不僅令味蕾滿足，令我流連忘返，身為元朗原居民的我一個月最少都會去兩次

幾年無食 滿心期待💛**********************一入門口如入公廁尿味一湧而上精神為之一振我以為可以適應我以為陣味等間就會散我以為可以逆境生存我選擇默默食麵我錯了🥲🥲🥲慶幸地喺顧客反映後唯一一位樓面即刻入廁所操作一番噴咗兩下空氣清新劑不幸地毫無改善尿味隨住廁所門打開衝曬出嚟更不幸地佢無洗手救命我假裝冷靜繼續閉氣食麵想盡快食完走🫠總結...唔係好食得落真係真係好刺鼻個湯再好食都無用希望舖頭盡快改善歡迎大家光臨...幫手聞聞仲有無尿味

廁所唔知爆屎渠定點，一入店坐底已經聞到好大陣廁所味，但店家為求做生意竟然無視異味，仲不斷開廁所門洗手洗嘢。 總括嚟講，體驗極之差。 如果有人想試吓去廁所邊食拉麵，可以試吓呢一間。

這家隱世拉麵店的蝦沾麵真是令人驚艷。首先，湯底超香濃🤤，充滿了濃郁的蝦味🦐，每一口都能感受到海鮮的鮮美。麵條粗身且煙韌，完美地吸附了湯汁，口感豐富。每一口麵條都帶著濃厚的蝦湯香氣，讓人一試難忘。這裡的蝦沾麵不僅味道濃郁，還有著獨特的風味，是喜愛海鮮的食客不可錯過的美食。無論是湯底還是麵條，都能感受到店家的用心和精湛的烹調技藝。

以前已經食過呢間野好多次，一直都正正常常，服務不嬲都麻麻地，有時侍應會有唔耐煩嘅表情，不過勝在好食，最中意蝦湯但係！！咁今日如常叫今日special麵，侍應告知今日special係昆布水麵，咦，新野嚟既，照試下啦一開始食已經覺得怪怪地，越食越奇怪，唔知食緊啲乜，完全唔夾，食食下仲要冇左個蝦湯既味，得返啲唔知乜嘢膠水味，食左冇幾耐，成個湯底就已經冇左一大半，同埋個湯變咗撈麵汁咁樣開始潔撻撻，咁就叫左佢地幫我加湯啦，加完之後個味仲怪，個湯變到好鹹同埋有一種好化學嘅蝦味，我已經撈到個湯好勻循，最後都係頂唔順，太難食。公道講句佢其他麵底係ok既，希望佢日後嘅今日special麵可以做返啲咩柚子麵呀波菜麵定唔知紫菜麵嗰啲，不過服務麻麻再加上今次陰影之後，短期內都未必返去食喇

20:07打去特意查詢何時截單，職員話截單時間係20:30。於是為了不打擾餐廳下班而搭的士趕過去。20:20到門口後，職員用好差的態度告訴我們截了龍，就即刻入番店，同時亦沒有解釋原因。因為好期待拉麵小店，即使職員態度惡劣，都決定友善的再問問截單8:30前到的意思。職員都係用好差的態度答:”因為岩岩嚟咗四個！” 然後即刻走回店。聽完個刻其實除了我們難堪，四位門外的排隊客人也非常難堪。作為排隊店，如果要同排隊客人競賽先有得食，甘無必要係電話俾希望客人，8:30前來係可以入餐廳。失望係，明明係有心的小店。但安排的五妥善，令人難受的態度，讓想支持的客人卻步。

第一次食 ‘彩’😳之前摸左門釘食唔到☹️☹️ 今次終於食到！！！我個人就超級中意食沾麵，香港大部分出名的都吃過🍜今次食 ‘彩’ 比我有少少失望🤨我叫左黑蒜油沾麵，揀左小麥麵（佢啲麵係比較幼身，但都掛到湯）等左大約 10分鐘到，就食得啦一睇啲麵好似好多咁，一開始都怕食唔哂，但最後都食得哂😋*冇浪費食物佢個沾麵湯温度差啲，因為食食下就開始凍了❄️，後尾要加湯先熱返配料方面- 叉燒同荀都不過不失，份量一樣通常食完之後我都會叫店員加湯飲的，佢加左湯之後都幾夾本身個黑蒜油，正👍係飲哂的🤪🤪🤪之後會再嚟試埋其他味，希望個湯可以熱返啲！✍🏻

一間聞名很久的拉麵店！元朗區搜尋拉麵，必然要介紹呢間！現場去到已經過咗兩點，仍然有人排隊！幸運地成為最後兩台客人之一！可見店舖受歡迎程度！不過未知是否希望越大失望越大！拉麵整體必然屬於好味，麵質軟硬適中，有咬口！湯底不會因為係沾麵，而非常咸，屬於可以飲落口嘅湯底！溫泉蛋合格，但叉燒略嫌失色整體而言值得一食，但要排隊就要諗一諗而且位置非常偏僻，專程走過去一趟，性價比就唔算高🙈而且元朗第一，就一定稱唔上🙈但以一碗拉麵嚟講，都算好好味

沾麵味道不錯，可惜大叔服務員使人胃口盡失，簡直是有史以來最差服務。有服務比冇還差，沒禮貌尚且不談，但行為粗暴實在難以接受！若然沒有大叔服務員，憑著美味沾麵相信彩的生意會更好！

星期六下午約2點到訪，唔洗排隊。嗌咗蝦沾麵🦐✅蝦沾麵沾汁蝦味濃郁✅黑椒麵軟硬適中，有咬口，口感不錯，黑椒味同小麥味平衡❌店面冷氣不足，30度天氣下一邊食麵一邊出汗❌提供嘅水貼近室溫，好多拉麵店都會提供冰水，喺店面唔夠冷氣情況下更應該要俾冰水❌沾汁唔夠熱最大問題係，❌❌❌煮麵師傅不停索鼻同流鼻水，又冇戴口罩，戴住手套抹鼻，抹完只有輕輕洗手，之後就直接用手幫麵過冷河。遞麵俾顧客時都係索住鼻咁，希望多啲留意個人衛生

湯底： 好濃豬骨味，但以沾麵湯底嚟講都有啲偏鹹。叉燒： 雖然瘦，但完全唔會鞋，正常好食。麵： 黑胡椒味好香同埋意外地夾，食到咁上下可以解到湯底嘅油膩感。份量偏多。Overall：唔錯嘅，但唔值得排隊。

要數元朗出名嘅舖頭，彩就一定on the list😋主打沾麵，湯底勁正‼️食過唔少次但就未寫過佢，舖頭坐位唔多～次次都要早啲去，唔係就排長龍🌀蝦味增湯沾麵 $93蝦湯係佢地最受歡迎嘅湯底，一啖已經食得出蝦味濃，用上北海道蝦味增加上蝦油，湯底帶蝦鮮味，濃得黎又唔會鹹，推薦！！每一碗入面材料都有叉燒、原隻溏心蛋、「彩」紫菜同筍🌀黑蒜油湯沾麵$88沾麵底全部都係自家製，除左有小麥麵、黑胡椒麵，仲有每日嘅Special麵，每次都唔同，我今次去就係菠菜麵～麵質彈牙爽口，沾麵最重要都係麵質掛湯，豬骨湯底加入大蔥絲同蒜油，令到整體更入味。配料同蝦湯一樣都係有叉燒等等🌀完熟桃🌸$22汽水款式都係一般拉麵店有嘅日本汽水，桃汁果香馥郁，甜度柔和

1) 原味豚骨湯沾麵 hkd83雖然望落去平平無奇 但係個湯底超好味!! 好濃郁既豬骨湯mix日本醬油味 配料有兩塊大大塊叉燒 味道正常 仲有一隻切開既溏心蛋～驚喜位係on top仲有兩片柚子皮 令到本身濃郁既豬骨湯底有一絲清新既感覺 而麵條唔知係咪因為就黎收工 所以略顯有d碎 亦都唔夠凍>< 扣少少分2) 黑蒜油湯沾麵 hkd88而黑蒜油沾麵就係原味豚骨湯沾麵加上黑蒜油同炸蒜～比較適合重口味啲既人!! 麵條同原味豚骨湯沾麵一樣都係比較淋～整體黎講不過不失!! 麵條有進步空間