影片
更多
2024-05-21
28 浏览
今日去咗旺角东帮狗仔买返啲粮食，而家呢种天气唔太适合烧烤又唔太适合打边炉，就拣咗近期喺太子大热嘅餐厅去锯扒！👍🏻安格斯 Prime西冷餐厅嘅装修好似传统嘅扒房，所以当然要品尝一下佢牛扒🥩牛肩胛、西冷、肉眼、猪仔骨、羊架都一应俱全。今次呢款八安士西冷油脂分布平均，生熟度虽然系固定，但确系拿捏得精准，搭配焗蒜，压碎后搭配牛肉味道极佳，亦都额外加$58多左份side，奶油蒜蓉虾Creamy不腻口，虾肉爽弹但略嫌调味咸左少少👍🏻安格斯Prime牛肩胛扒肉质相对鲜红，口感相对地细致一啲，带点嚼头但不干身柴口，而且预先切好，更加方便进食，连同香草、蒜蓉食落相当唔错。👍🏻士拉差鸡翼脆卜卜又香口，炸得唔算好油腻，点上酱汁更加惹味。👍🏻满满蚬肉蝴蝶粉钟意食蚬肉嘅朋友可以叫上双倍蚬，但系普通份量而言，蚬肉已经相当之丰盛，虽然唔算好大只，但系都食到肉感，粒粒开口，肉质鲜甜。酱汁唔会太过浓烈，蝴蝶粉软硬适中。👍🏻红心芭乐白桃乌龙茶饮品清爽，特别叫上咗少甜！！饮品上枱明显见到渐层效果，茶味清幽。👌🏻提拉米苏蛋糕有别于一般嘅提拉米苏，上枱嘅视觉效果相对感觉慵懒，咖啡浸得太过多，口感过分湿润，味道亦相对较苦口，Ma
👍🏻安格斯 Prime西冷
餐厅嘅装修好似传统嘅扒房，所以当然要品尝一下佢牛扒🥩牛肩胛、西冷、肉眼、猪仔骨、羊架都一应俱全。今次呢款八安士西冷油脂分布平均，生熟度虽然系固定，但确系拿捏得精准，搭配焗蒜，压碎后搭配牛肉味道极佳，亦都额外加$58多左份side，奶油蒜蓉虾Creamy不腻口，虾肉爽弹但略嫌调味咸左少少
👍🏻安格斯Prime牛肩胛扒
肉质相对鲜红，口感相对地细致一啲，带点嚼头但不干身柴口，而且预先切好，更加方便进食，连同香草、蒜蓉食落相当唔错。
👍🏻士拉差鸡翼
脆卜卜又香口，炸得唔算好油腻，点上酱汁更加惹味。
👍🏻满满蚬肉蝴蝶粉
钟意食蚬肉嘅朋友可以叫上双倍蚬，但系普通份量而言，蚬肉已经相当之丰盛，虽然唔算好大只，但系都食到肉感，粒粒开口，肉质鲜甜。酱汁唔会太过浓烈，蝴蝶粉软硬适中。
👍🏻红心芭乐白桃乌龙茶
饮品清爽，特别叫上咗少甜！！饮品上枱明显见到渐层效果，茶味清幽。
👌🏻提拉米苏蛋糕
有别于一般嘅提拉米苏，上枱嘅视觉效果相对感觉慵懒，咖啡浸得太过多，口感过分湿润，味道亦相对较苦口，Mascarpone不突出，味道真系见仁见智。
👍🏻👍🏻餐牌嘅选择唔算好多，但系样样都做得出色，而且有多种Combo自行选择，更为多样化。
💡餐厅别有格调，格仔砖嘅地下加上橙红色嘅灯光，连厕所都有悉心装修过，入夜后都几浪漫！
张贴
