芽莊越式料理

营业中

休息中

周五晚同女友晚饭，周围都要排队，唯独见呢间唔驶，记得我响其他分店食过，虽然印象系贵，但味道都可以，于是就试吓。点咗牛油鸡翼，炸春卷，牛Pho同埋猪扒滨海。基本上所有食物都冇乜味，个Pho叫做好少少，起码汤系正常嘅，牛油鸡翼劲厚浆，好硬，但系又冇味。春卷炸过龙，又系有啲硬，碟底仲要好多油浸住。猪扒又干又冇味，一般小店绝对好食好多。平时都唔会俾负评，今次系第一次响度俾意见，因为真系好差，完全对唔住个价钱。