Chef's Stage Kitchen

营业中

休息中

星期五难得收早就黎呢间餐厅食饭，之后仲可以去海傍散下步。环境个人觉得好高贵又唔会好嘈，侍应好有礼貌而且食物质素都好好!鹅肝多士多士同鹅肝一定系最夹既组合，佢地既鹅肝煎得好香但又唔会好油腻，配合埋薄多士一齐食完全唔觉得油，加埋少少沙律菜一齐食真系几开胃!西冷牛扒似乎都系大家会点的菜式，西冷五成熟岩岩好而且真系有炭烤味道，粉嫩既肉质食落仲好juicy，表皮脆卜卜牛味亦都好突出，整体真系好出色，拍得住扒房既出品!白酒海钻蚬扁意粉另外呢个都真系几好食。海钻蚬相对大只而且完全冇沙，调味岩岩好唔会太咸而且意粉口感真系al dente，啖啖肉再加埋扁意粉一齐食口感丰富又唔会食完好滞!士多啤梨香蕉朱古力& Hoegaarden饮品方面呢杯朱古力真系饮得出香蕉、士多啤梨同埋朱古力味道而且系新鲜即榨，因为我地咁岩坐吧台后面所以睇住佢整，唔系落糖水已经满心期待，佢既味道亦都真系平衡得几好!