麺処一家 (已結業)

虽然香港周围都有拉面店但想食到一碗有水准嘅日本拉面就一啲都唔容易其实已经想黎食麺処一家好耐不过每次嚟到都见到大排长龙 最后都冇食到今次趁放假专登早啲嚟 六点一开门就入去食佢哋嘅拉面系用豚骨鱼介酱油汤底豚骨同鱼介香味好合拍 汤底入口顺滑浓郁豚骨味道比较收敛 多咗一份鱼介清甜鲜味汤底味道感觉好有层次非常出色我叫咗一碗配猪腩肉嘅弟の选択烧过嘅猪腩肉油香满溢 味道甘香又唔会油冧冧油脂入口溶化 质感唔霉散 另一碗我地叫左料理长の选択包含猪腩肉同慢煮猪肩肉慢煮猪肩肉肉质比较柔软 肉香较重 又有另一番风味 两款都可谓做得非常有水准面条幼身但非常烟韧 挂汤能力上好我地另加嘅半熟蛋都好正 腌得啱啱好蛋汁浓郁香甜 身为蛋控觉得实在令人难以忘怀我好佩服佢哋专注卖拉面，做好拉面做得令人食过返寻味 自然唔需要太多花巧同选择 名副其实以实力取胜