影片
更多
2006-01-17
0 浏览
黎食过两次, 两次都食忌廉汁露荀龙脷卷. set dinner有成十几款拣, 实有野啱, 价钱通常系$78-$98, 羊架同安格斯牛扒就要过百. 先黎个沙律, sauce有mango, blueberry同strawberry拣, 朋友要mango话好清好味, 自己试过blueberry同strawberry就觉得strawberry靓d又sweet d. 汤有罗宋汤同忌廉汤拣, 罗宋汤唔够味, 忌廉汤每日不同, 比罗宋汤好味, 跟汤有两片蒜蓉包, 两次都涂满蒜蓉, 但上次脆d香d, 今次焗唔够时间, 中间面包仲系好腍, 蒜蓉亦唔够香. 主菜上次食个忌廉汁好浓好好味, 龙脷亦嫰滑, 但今次个忌廉汁稀咗, 龙脷亦焗过龙, 此之谓水准不稳也. 有朋友食石头饭, 一上枱个卖相唔错亦好香, 朋友都话几好食, 亦有朋友食羊西冷同牛扒(普通set dinner), 都话以呢个价钱ok. 再黎餐饮, 无乜好讲, 都系咁上下, 仲有甜品, 上次食阿华田奶涷, 好浓好香奶味好滑, 好味! 今次食椰汁布甸, 实咗d, 亦唔香椰子味(淡淡都有既), 但朋友就猛话好味. 特别一提系个老板好好好热情, 亦好有心
张贴