永和海鮮酒家

营业中

休息中

天后诞前夕，入嚟逛吓顺便饮个茶。见佢啲侍应好似换咗一批，唔知酒楼有冇转到手。但系食物方面真系同之前有少少分别。水准依旧嘅就系个麻蓉包，菜远牛腩炒面，芋角，爽肚，牛肚都系咁好食。最失望系个鲮鱼球，之前钟意你呢度就因为佢个鲮鱼球又陈皮同埋虾米嘅香味，但今次食嘅时候呢两种味道已经感觉唔到，同埋一咬落去啲鱼肉完全唔弹牙，咬即刻散开，灰到一个点。灰开有条路，食埋个烧腩包，佢个南乳酱应该唔记得落糖中和番，咸到好似成砖南乳摆落口咁食。呢个包其实都系必点㗎，但系今次真系十分崩溃。个沙律虾角个皮又淋又厚，虽然里便虾肉胀卜卜，但系都系扣咗唔少印象分。好彩琳美个桂花糕有椰汁底，清甜又好食，挽回番d分数。最后忍唔住走嘅时候喺收银问姐姐系咪转咗师傅，佢话冇转，咁希望之后再嚟嘅时候可以食返以前嘅水准。如果唔系，都唔知入西贡仲可以去边度饮茶？