33
10
6
| 餐厅: | 永和海鮮酒家 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
电话号码
27910063
营业时间
今日营业
06:00 - 22:00
星期一至日
06:00 - 22:00
以上资料只供参考，请与餐厅确认详情
話晒西貢都係一個旅遊點，估唔到一間酒樓可以咁參差。去完海灘，食個午飯，去咗呢間酒樓。叫咗十幾個點心，食、香、味，淨係個樣已經好肉酸。除咗遊客，都唔知佢點樣生存到
继续阅读
早前，大夥兒到西貢晚飯，朋友介紹永和，買了些海鮮加工，見做法便知用心製作，加上味道，真的不錯，感受廚子的用心；特別喜歡椒鹽鮑魚（嚼頭剛好）、清蒸星班（火喉剛好）；還有店家小菜，燒鹅、小炒王、椒鹽豆腐…… 都不錯、不錯；還有要讚是服務只姐姐🍀現今香港少見的服務態度👍🏼👍🏼👍🏼👍🏼👍🏼👍🏼👍🏼🫰🏻
继续阅读
永和唔係只有賣情懷，就算係賣都係街坊價，上下四層都係原居民、街坊同附近做野嘅人。閒日只係8蚊一位茶，頂點只係33蚊，重有48蚊午市特價粉麵飯。時菜雞柳炒麵上檯時重飄係水蒸氣，師傅係正正宗宗傳傳統統嘅鄉村粵菜手勢，可能我年紀大左，真係覺得好食，係由細食到大嘅好味，不過最好味嘅味菜炒麵，今次叫特價嘅。每次我都叫鯪魚球，已經唔記得响幾時响邊度，重可以見到有西洋菜墊底嘅蒸鯪魚球，味道唔算好濃，好似海棉一像軟軟哋。鄉村酒樓人情味好濃，阿姐冇排斥外人，雖然唔係殷勤式嘅服務，但係有傾有講，介紹你食特價嘢， 親切有禮，快手快腳。兩個人清清淨淨坐咗2粒鐘，一碟炒麵，2個中點，一共$125，泊車泊遠少少露天停車場，$16一個鐘，除左冇豪華裝修，比北上清淨舒服。
继续阅读
天后誕前夕，入嚟逛吓順便飲個茶。見佢啲侍應好似換咗一批，唔知酒樓有冇轉到手。但係食物方面真係同之前有少少分別。水準依舊嘅就係個麻蓉包，菜遠牛腩炒麵，芋角，爽肚，牛肚都係咁好食。最失望係個鯪魚球，之前鍾意你呢度就因為佢個鯪魚球又陳皮同埋蝦米嘅香味，但今次食嘅時候呢兩種味道已經感覺唔到，同埋一咬落去啲魚肉完全唔彈牙，咬即刻散開，灰到一個點。灰開有條路，食埋個燒腩包，佢個南乳醬應該唔記得落糖中和番，鹹到好似成磚南乳擺落口咁食。呢個包其實都係必點㗎，但係今次真係十分崩潰。個沙律蝦角個皮又淋又厚，雖然裏便蝦肉脹卜卜，但係都係扣咗唔少印象分。好彩琳美個桂花糕有椰汁底，清甜又好食，挽回番d分數。最後忍唔住走嘅時候喺收銀問姐姐係咪轉咗師傅，佢話冇轉，咁希望之後再嚟嘅時候可以食返以前嘅水準。如果唔係，都唔知入西貢仲可以去邊度飲茶？
继续阅读
- [ ] 永和海鮮酒家一間好傳統local嘅酒樓。門面細細，地下嗰層得七，八張枱。原來樓上仲有二，三，四樓三層。全部人前前後後都係講廣東話好親切。星期六日工作假期都有特價嘅粥粉麵飯。煎腸粉非常出色，佢嘅蝦米同埋蔥都好多，個面煎到燶燶地。有啲似以前細個推車仔嗰啲煎腸粉。蝦餃燒賣都係傳統做法。蝦餃個皮好薄啲蝦好大隻。燒賣就係冬菇燒賣嚟，大大粒。鳳爪同埋咖喱牛筋質素都係中上之作。牛筋個底剩係得一粒薯仔，性價比超高。
继续阅读