二記飯店 (已結業)

呢间店帮衬咗好多年，近几年因为少喺呢区出入所以帮衬少咗，最近𠮶次都半年前食晚饭，𠮶次都觉得味道差咗但系都可以接受，十几20年前呢度食晚饭味道非常好，价钱又实惠，我一星期都会去两三次宵夜或晚饭，今日下昼专登过去食下午茶，入去前本来想食干炒牛河，但见到同台另一食客𠮶碟卖相好差，所以改为食扬州炒饭，40蚊连冻饮加三文，呢区嚟讲价钱都算平，份量都可以接受有平时嘅六成，但可惜个饭炒得好差，饭粒好多都仲系一嚿嚿未炒散，而且啲饭又湿又烂，调味本来都唔错但系𠮶啲盐未炒溶，间唔中食到一粒粒嘅盐，咬到𠮶下即刻觉得好咸，今次真系几失望应该都唔会再有下次