影片
更多
2021-04-16
214 浏览
九龙城又唔一定要食泰国菜嘅，今次食呢间川菜就非常唔错喇事源昨日跟同事揾泰国菜食嘅时间，就见到呢一间新开张嘅紫阳麻辣厨房，不过因为预先谂住食泰国菜，所以就无去试到。咁今日又有朋友相约饭局，咁就决定再度重游九龙城，而今日嘅主角就呢间川菜铺头，结果食完出黎都非常满意 望见餐牌都见到好多款式，有辣有唔辣，任君选择，而且部份菜式仲有份量选择，人少少可以叫份细，试多几款菜式，价钱都相当平民，豪食都唔会肉赤▪️酸菜鱼酸菜鱼系我必点嘅菜式之一，酸酸辣辣味道开胃，鱼片嫩滑入口软化，呢样野铺头完全做到到，汤入面仲有海带、魔芋、宽粉等等配料，从店员口中得知其中魔芋同宽粉都系自家制作，而且汤料份量多又唔油腻，诚意推介▪️奇味鸡煲（不辣）川菜成日都俾人辣嘅感觉，令到好多人对川菜却步，而呢款鸡煲就适合钟意浓味又唔食得辣嘅朋友喇。鸡件腌得相当入味，配料同鸡件炒到干身上煲，上枱仲热辣辣，而且鸡肉都嫩口，够哂惹味送饭一流▪️大盘花菜炒菜方面同样都有水准，有椰菜花、唐芹、青椒等等制作而成，味道同样惹味醒胃，而且蔬菜用料都算唔错，加上烹调时间啱啱好，的确唔错
九龙城又唔一定要食泰国菜嘅，今次食呢间川菜就非常唔错喇
事源昨日跟同事揾泰国菜食嘅时间，就见到呢一间新开张嘅紫阳麻辣厨房，不过因为预先谂住食泰国菜，所以就无去试到。咁今日又有朋友相约饭局，咁就决定再度重游九龙城，而今日嘅主角就呢间川菜铺头，结果食完出黎都非常满意
望见餐牌都见到好多款式，有辣有唔辣，任君选择，而且部份菜式仲有份量选择，人少少可以叫份细，试多几款菜式，价钱都相当平民，豪食都唔会肉赤
▪️酸菜鱼
酸菜鱼系我必点嘅菜式之一，酸酸辣辣味道开胃，鱼片嫩滑入口软化，呢样野铺头完全做到到，汤入面仲有海带、魔芋、宽粉等等配料，从店员口中得知其中魔芋同宽粉都系自家制作，而且汤料份量多又唔油腻，诚意推介
▪️奇味鸡煲（不辣）
川菜成日都俾人辣嘅感觉，令到好多人对川菜却步，而呢款鸡煲就适合钟意浓味又唔食得辣嘅朋友喇。鸡件腌得相当入味，配料同鸡件炒到干身上煲，上枱仲热辣辣，而且鸡肉都嫩口，够哂惹味送饭一流
▪️大盘花菜
炒菜方面同样都有水准，有椰菜花、唐芹、青椒等等制作而成，味道同样惹味醒胃，而且蔬菜用料都算唔错，加上烹调时间啱啱好，的确唔错
张贴
