廣東燒味餐廳 (已結業)

由于呢间广东烧味近我OFFICE﹐所以有时都会帮趁一下外卖烧味饭做LUNCH。但最近几个月发觉烧味水准下跌左好多﹐叉烧又干又硬﹐已经好耐无见过呢度的双拼饭的叉烧系半肥瘦喇﹐连大家乐的叉烧都好味过呢间烧味专门店﹐点算﹖烧肉就越黎越韧﹐虽然拎到返公司﹐皮仲系有少少脆的﹐但系D肉就鬼死甘韧﹐又无味﹐所以我已经戒左广东烧味的烧肉好耐。烧鹅就味道还算可以﹐但系最近D烧鹅好怪﹐肉唔多而且颇“实”﹐但系就明显有一层好厚的脂肪(即肥膏)介乎皮同肉中间﹐似乎D鹅系“谷”到肥的﹐而唔系天然肥美。讲烧味﹐其实广东烧味真系麻麻﹐大把烧味茶餐厅仲好。如果个老板对呢个店名仲有少少自信/自尊的话﹐唔该整好D烧味出黎奉客。