一品雞煲火鍋

营业中

休息中

以前成日黎食，今次又同屋企人黎食。以前要排晒长龙等位，而家即刻有位入⋯😳星期六都咁样？入到去叫咗前菜酸姜皮蛋问炸鱼皮做开胃菜先。因为鸡煲次次点都等成四个字先有得食。今次个酸姜都唔切嘅，一系劲大块一系超碎，叫人点样送𩠌皮蛋🙄食皮蛋就咁开4都唔开8。前菜都求其左好多。见到张点菜纸好多野都冇，无左必食既紫洋葱😞，叫咗个辣鸡煲一只。再叫肥牛、虾滑拼墨鱼滑、云吞并水饺、韭菜饺、蟹柳、支竹、豆腐、皇帝菜、莴笋、乌冬。个鸡煲又系等咗好耐啦，啲𩠌嚟晒个煲都未上，限时两个钟架一阵间食唔切唔好催我哋走呀吓🙄。今次真系水准差左好多⋯个汁又唔辣又唔麻，都唔见有花椒嘅，只鸡变咗雪藏鸡，又冇鸡味仲有啲鞋添😑，侍应见我哋呆晒等食，都好勤力走来帮我地搞搞只鸡唔好俾佢痴底但系个煲唔滚。啲肥牛靓咗嘅，不过都系雪藏架喇。其他野正常。韭菜饺比较好食。画左唔系度度有得食我见到必叫既莴笋都冇黎到😒啲皇帝菜喺雪柜走出嚟个样唔新鲜🙄垂头丧气咁。一坐低就叫既大柠茶（又系用Hoegraaden杯）今日个茶底深色返， 但就饮完再叫多杯好耐都唔黎，侍应话唔够杯用🙄唔怪得知而家唔使等位咁嘅质素同价钱出边大把选择。5个人食叫得唔多野但都要千三四