香港老飯店

营业中

休息中

食上海菜，香港都选择都唔少，但要坐得落一家大细、味道好、菜式选择多，同埋价钱合理嘅就唔多，我同屋企人就几钟意黎老饭店喇。冷盘方面，呢度嘅熏蛋好香烟熏味，糖心蛋黄又煮得恰到好处；沾上芝麻嘅核桃甜甜地好香脆，两样野都几夹呀。蜜味烤双方都系必食嘅，云腿唔算肥又唔会太咸，沾上蜜汁、配埋松脆嘅响铃，俾软熟嘅薄饼夹住，好好味呀，而且都几大件架。主菜方面，清炒河虾仁几爽甜，唔想道道菜都浓油赤酱，呢个会系清淡d嘅选择。葱爆羊肉嘅京葱好香，份量同羊肉一样多，羊肉唔「骚」仲好嫩，好惹味呀！百页红烧肉嘅肉都唔算太肥又够腍，但个汁对我哋黎讲就咸咗少少，所以连带百页都比较咸，我哋都系钟意红烧元蹄多啲。另外，我哋试咗油泡河鳗球，鱼肉好爽，不过自己食唔惯清炒，觉得带腥。汤类嘅砂锅小油条材料丰富，有津白、瑶柱、鸡肉、火腿、蛋饺、素鸡条同粉丝，令汤头够晒甜呀！担担面够多葱，富花生香，肉臊多同唔肥，面都几爽滑，唔系个个食辣嘅我哋，要辣油另上。葱油大饼都系亮点，外脆内软之余唔油腻，葱落得够多，好香好好味呀。呢度嘅水准好稳定，希望keep住啦！