影片
更多
2022-07-29
2339 浏览
【#饮茶精选🍵 】#海港酒家之前曾经介绍过 #西营盘 区内既酒楼，当时并未包括海港。因为认为佢比之前差咗好多，而且又有其他选择🤔 所以有一段长时间冇再帮衬。今日要去西宝城买野，加上之前大力推介果间海悦差咗唔少，于是就决定再来海港试试。坦白讲系冇期望，但往往就系咁先有惊喜🤣望见张早茶特价纸，$8.8😱 以为自己未训醒😴 再睇真D，系好几样野都系$8.8，咁抵🤔#南乳猪手 同 #凤爪排骨饭 都系$8.8，心谂份量都唔会多啦🤔 事实系，个饭同平时叫开冇乜分别，即系一个正常既盅头饭，而猪手系得三旧，不过件件都有肉，而且味道较得唔错👍#沙爹金钱肚 只系$12.8，唔系卦😄 好淋，应该都「 乸」得几紧要，老人家都食到🤣 唔系度度有得食既 #黑椒牛仔骨 ，$15.8😁 OMG😱 有四五件，都算大件，当中有两件比较实，应该过咗火，同样味道都做得几好👍另外仲叫咗个孖宝$28，#皮蛋瘦肉粥 同 #葱花炸两肠 ，粥底属于杰身果种，料头都多，仲有好大阵果皮味。最惊喜系，粥度有几片油炸鬼，仲系脆架😍 好耐冇食过脆既油器♥炸两肠同样都够脆，系中间位开始变淋，肠粉都够滑，几好食。今餐茶好似冇乜野可以挑剔，好似之前好
之前曾经介绍过 #西营盘 区内既酒楼，当时并未包括海港。因为认为佢比之前差咗好多，而且又有其他选择🤔 所以有一段长时间冇再帮衬。
今日要去西宝城买野，加上之前大力推介果间海悦差咗唔少，于是就决定再来海港试试。
坦白讲系冇期望，但往往就系咁先有惊喜🤣望见张早茶特价纸，$8.8😱 以为自己未训醒😴 再睇真D，系好几样野都系$8.8，咁抵🤔
#南乳猪手 同 #凤爪排骨饭 都系$8.8，心谂份量都唔会多啦🤔 事实系，个饭同平时叫开冇乜分别，即系一个正常既盅头饭，而猪手系得三旧，不过件件都有肉，而且味道较得唔错👍
#沙爹金钱肚 只系$12.8，唔系卦😄 好淋，应该都「 乸」得几紧要，老人家都食到🤣
唔系度度有得食既 #黑椒牛仔骨 ，$15.8😁 OMG😱 有四五件，都算大件，当中有两件比较实，应该过咗火，同样味道都做得几好👍
另外仲叫咗个孖宝$28，#皮蛋瘦肉粥 同 #葱花炸两肠 ，粥底属于杰身果种，料头都多，仲有好大阵果皮味。最惊喜系，粥度有几片油炸鬼，仲系脆架😍 好耐冇食过脆既油器♥
炸两肠同样都够脆，系中间位开始变淋，肠粉都够滑，几好食。
今餐茶好似冇乜野可以挑剔，好似之前好食既海港返晒黎😄 价钱当然抵食，质素同样几好。
可能时间尚早，系冇乜员工，所以都唔好谂有咩服务。
希望继续保持依个水准啦，多返我依个客人😄
推介指数：7.5/10
海港酒家
西环石塘咀卑路乍街8号西宝城2楼243号舖
@foodiehck2022 #港饮港食平靓正 #饮茶 #早茶 #抵食 #港岛区 #西环
张贴
