影片
更多
2019-11-12
236 浏览
上次经过刘森记, 人龙N咁长, 重要热辣辣排餐死, 帮衬？咪玩我啦!今次经过刘森记发现无人排队又有大把位, 即管帮衬试试, 睇吓系咪咁正先!虾子汤河注明本店推介, 于是叫咗个虾子牛筋腩汤河, 冬菇云吞河多葱食汁, 蚝油介兰.虾子牛筋腩汤河 : 汤河一上枱, 即时闻到浓浓虾子味, 脑海记忆系统马上进入找寻模式, 揾出另一间驰名虾子面名店澳门祥记, 再进入 RE-PLAY 模式作比较!结果 : 澳门祥记份量少又毫无虾子味又贵.下一步 : 请将祥记路线图取消.1%..... 15%..... 100%取消完成! 唔洗再去帮衬！另外, 望埋去实一实嘅一旧旧牛腩, 记忆系统根据经验分析, 得出 99.99% 又系D硬同无咩味嘅牛腩, 但入口竟然系松软而且入味, 完全另一回事! 牛腩绝对有惊喜!冬菇云吞河多葱食汁 : 首先刘森记用嘅系韭黄唔系葱, 冬菇炆到冧而且入味, 河粉用上自己喜欢嘅幼身品种, 满意.蚝油介兰 : 唯一失分地方, 因为灼得唔够耐, 唔够冧.刘森记要排队一定有原因，果然系一间有水准面店，推介！食完之后得出两个结论 :1, 下次帮衬旁边新联丰之前, 应该去刘森记望望先.2, 虾子放
今次经过刘森记发现无人排队又有大把位, 即管帮衬试试, 睇吓系咪咁正先!
虾子汤河注明本店推介, 于是叫咗个虾子牛筋腩汤河, 冬菇云吞河多葱食汁, 蚝油介兰.
虾子牛筋腩汤河 : 汤河一上枱, 即时闻到浓浓虾子味, 脑海记忆系统马上进入找寻模式, 揾出另一间驰名虾子面名店澳门祥记, 再进入 RE-PLAY 模式作比较!
结果 : 澳门祥记份量少又毫无虾子味又贵.
下一步 : 请将祥记路线图取消.
1%..... 15%..... 100%
取消完成! 唔洗再去帮衬！
另外, 望埋去实一实嘅一旧旧牛腩, 记忆系统根据经验分析, 得出 99.99% 又系D硬同无咩味嘅牛腩, 但入口竟然系松软而且入味, 完全另一回事! 牛腩绝对有惊喜!
冬菇云吞河多葱食汁 : 首先刘森记用嘅系韭黄唔系葱, 冬菇炆到冧而且入味, 河粉用上自己喜欢嘅幼身品种, 满意.
蚝油介兰 : 唯一失分地方, 因为灼得唔够耐, 唔够冧.
刘森记要排队一定有原因，果然系一间有水准面店，推介！
食完之后得出两个结论 :
1, 下次帮衬旁边新联丰之前, 应该去刘森记望望先.
2, 虾子放汤会无哂影, 下次帮衬应该点个虾子捞面.
张贴
