蒸廬 (已結業)

已经第三次来「蒸庐」食点心，一直都想试吓原盅炖汤，今日见可以提早食晏，自私叹个 long lunch 天气凉凉地就点左盅「花胶虫草花栗子炖土鸡汤」$60 补下身炖汤份量十足，大约有两碗汤、材料也不差，有花胶仔、干栗子、虫草花、生茨实、干螺片、鸡肉。不过就见唔到花胶形，可能炖到溶咗都唔奇，其他材料也炖至半溶化，饮前记得加少许盐，不得了！饮落又甜又鲜，汤一定要衬热饮，饮一盅已经饱左。呢个系我每次必点「云石芝麻包」$26窝心提示超级熨咀，我一手将软棉棉嘅包瓣开两边，即时见到如溶岩嘅黑芝麻酱倾泻出来，一不小心成手都系芝麻酱，芝麻酱味香又滑，超级正！佢哋其他蒸点心都有水准，大家不妨一试。