唐記包點 (港鐵太子站)

营业中

休息中

好耐冇食過唐記包點，今日心血來潮想食下點心，於是一買買左好多。每次都會叫呢個章魚肉餅飯，肉餅好粥了入邊有好多粒章魚，啲飯粒幾分明，比得上點心店出品。今次仲叫咗個套餐， $45就有一個飯+1個點心仲包埋嘢飲添，好抵食。點心今次試吓新野要咗金錢肚，比我想像中多好多，金錢肚爽口彈牙，而且好入味。仲有三四舊蘿蔔，蘿蔔清甜冇渣，幾好。而家好少搵到地方食鵪鶉蛋燒賣，鵪鶉蛋好大粒，燒賣入邊有原隻蝦，而且豬肉好爽口，份量好大，食完已經覺得有啲飽。除咗套餐送嘅茶之外，我另外仲叫咗兩支豆漿，每一次都會要，因為呢支豆漿冇出邊嗰啲咁甜，而且好香豆味。