凝香居

营业中

休息中

是日去左屯门揾朋友，晏昼突然想饮晏昼茶，朋友就带左我黎红桥呢间凝香居。虽然店舖小小，但入面都几骨致，虽然店员唔多，但系上菜好快，而且好有礼。食物方面，二个男人饮茶点点下都点左好多点心，先介绍下我觉得好好味而值得一试既点心。黑金流沙包：同样都系店舖推介，流沙包够热，而且真系流心，唔似有啲茶楼一摵开已经凝固左。鲍鱼烧卖：好少地方有得点，啖啖味,好满足！鲜虾肠：肠粉皮够薄，入面既虾都大大粒，食落好滑！荷叶珍珠鸡：大家睇相都见到，真系好大旧，大食必点。最难得呢度仲有炖汤可以点！味道好够，绝对唔系味精汤。朋友见到都忍唔住点多份自己饮。