滿江紅小甜甜 (已結業)

间唔中都会食下满江红小甜甜，都食咗五六年，次次都叫好多嘢，今次两个人食只系叫咗个凉拌土豆丝同埋水煮乌江鱼锅。以前食开酸菜鱼同埋蒜泥白肉，间唔中都会好怀念，今次一是新野就出事。凉拌土豆丝系前菜，醋味比较重，我本身唔食醋所以唔太喜欢，欣赏啲土豆丝切得好幼，口感好似食紧面，又唔算太辣同太咸，系一个唔错嘅前菜。水煮鱼非常之辣，辣到食唔到鱼嘅甜味，每一次都好惊畀辣油辣亲，忍唔住叫咗杯司乐解辣。第一次乌江鱼，冇咩特别，鱼味唔出质感亦偏硬，都钟意食桂花鱼多啲。配料有啲青瓜、金菇、粉丝同埋芽菜，但系由于实在太多辣油，所以都唔系好食到。成个窝好大兜，两个人食真系食唔晒，人多的话叫碗饭应该唔错。