川莊

营业中

休息中

又好想食川菜，人少少约埋朋友一齐食，首先去宠物街行吓先，再行返过嚟朗豪坊食饭，之前已经食过好多次，但系一直冇出post，依家就介绍吓我嘅心水，水煮桂花鱼完全冇鱼骨，每一片都系鲜嫩鱼肉，鱼味比较突出，同埋特别钟意呢度唔会好咸，配菜可以自选，最钟意萝卜，莴笋，豆卜同午餐肉，每一次都系叫呢啲，点食都唔会厌，胡麻酱油麦菜，新鲜未经任何烹调加上芝麻酱，比平时食沙律嘅罗马生菜更好食，酸甜松子桂花鱼炸得香脆粘咀嘅鱼皮，酸酸甜甜非常开胃，鱼肉肉汁亦都保留唔会太干身，最后一款手撕丁香鸡，鸡皮爽滑鸡肉软滑，点少少完全打碎嘅姜葱油，完全扭转对姜葱油嘅睇法，其实点呢一道菜最主要都系因为呢个咁特别嘅姜葱油