霸王川莊 (已搬遷) 新店位置

水煮牛肉超级好食。牛肉好高质，自问食遍大大小小出名川菜或者小店，包括麻辣火锅，呢间牛肉暂时最好食。本身钟意食辣唔系好食辣，辣度1至5，只系叫左最唔辣既1，都觉得辣辣哋，叫左个白饭中和下。仲有免费+4款配料，拣左薯粉、莴笋条、金菇、芽菜。个汁同薯粉好夹，好正，食唔停口👍🏻👍🏻👍🏻👍🏻。另外仲叫咗个浓汤翡翠苗，都ok，有啲小菇子一齐炒，食落新鲜，口感清脆，唔太软亦唔硬，刚刚好，唯一系食到最后啲菜浸系浓汤内左有少少咸。2个𩠌，2个人食，份量好足，少少食唔晒。如果比较细食，剩系叫水煮牛肉都够。题外话，张枱好宽阔，坐得几舒服。如果有围裙就好，食薯粉好需要，哈。