老川皇

营业中

休息中

天气开始转凉，突然好想食辣的野。知道砵兰街有间出名食正宗四川菜的老川皇，就同朋友过来试下。等左几个字先有位，店舖比较迫，坐位比较少，一入舖见倒好多人食紧水煮鱼，劲吸引。我们当然都照跟风order。另外嗌左个蒜泥白肉和重庆酸辣粉。蒜泥白肉好多蒜好正！有别于外面比较传统的薄肉，呢间白肉系厚切的，但原来厚切白肉+青瓜丝+蒜泥，都几好口感，可以一试。重庆酸辣粉味道唔算浓，个人感觉可以再重手d酸d, 但薯粉质感做得几好，$28咁大碗算抵食。重头戏水煮鱼等左几个字先到，但好值得等，因为真系好食，嗌左小小辣的，味道刚好，唔洗惊太辣食唔倒。个汤底唔会好油，辣椒味香，咸度ok，鱼片煮得刚刚够滑，而且劲多鱼片，2个人一盆真系大满足，一定要叫个饭来捞大豆芽食。唯一觉得鱼有d多骨，钟意食鱼的可以试下贵点的海鲈，相信会更好食同少d骨。最后嗌左个烧茄子，味道跟我当年去四川旅行食的相似。整体菜式味道ok,下次会再来。