炭魚 (已結業)

食烤鱼食到闷，今次试下麻辣水煮鱼(HK$198)。原来都好大煲架wor，个煲下面用左一旧炭去keep住温度，但又唔会热到滚。煲入面除左鱼，仲有少少豆腐卜，金菇，薯粉，秀珍菇同埋都几多既芽菜。成煲野对我黎讲唔系好辣，非常容易食。鱼既处理同平时我食开既有d唔同，佢唔似鱼柳，但又无晒骨，亦唔似就咁起出黎既鱼片咁滑...... 我觉得有d似将鱼起左d鱼片拎去deep fried，再放落去整水煮鱼，所以鱼既质地比较实净。我觉得咁整都唔错。可能煲野唔够辣既关系，应该系都无乜麻辣味，所以豆腐卜好似唔够入味，其他配菜味道ok，只系d薯粉实在太少啦，又碎湿湿好难夹，唔知下次可唔可以另外order多一份薯粉呢？仲叫左个川式口水鸡(HK$58)，味道一般，唔太辣，鸡肉都算有弹性，亦无乜肥膏。