水門雞飯 (百宜樓) (已結業)

同男朋友喺元朗行完街，想揾餐厅食饭，路过呢间水门鸡饭，见唔使排队就入去试吓。入面环境唔算大，多人时有机会需要搭枱。餐厅入面坐圆椅，唔算好舒服，但都OK嘅。店员做嘢迅速，态度有礼貌，落咗单一阵好快就有得食。我叫咗一碟水门鸡饭$50，同埋一杯柠檬梳打少冰。水门鸡饭入面鸡嘅份量都多，同埋佢系冇骨嘅鸡肉，食得劲方便，饭系油饭黎，多到我食唔晒。我几钟意佢嘅秘制辣汁，唔算好辣，因为我唔想太食得辣，但呢个辣度我接受到。我觉得都杯柠檬梳打都几大杯，食埋个饭之后再饮埋呢杯野，真系好饱。男朋友叫咗一碟水门炸鸡饭$50，加咗鸡杂$10，同埋一杯泰式奶茶。水门炸鸡饭嘅鸡份量都多架，炸得松松脆脆，几好味。鸡杂就有鸡红、鸡润、鸡肾。因为漏咗单，所以鸡杂系另上，如果唔系应该会同碟炸鸡饭同碟。男朋友都几钟意呢杯泰式奶茶，佢话同平时饮嘅茶餐厅奶茶有分别。两个人叫嘅嘢食叫得唔多，所以下次可以同朋友一齐再去，咁就可以叫多啲其他食物啦。因为都想试吓佢啲串烧、猪颈肉、金边粉等等。