氷川菓屋 (已結業)

今次我地黎到山林道嘅一间刨冰小店，平日夜晚唔算好多人，但店内就冇位坐喇，于是我地点左刨冰就喺门外嘅位置食。蓝莓乳酪刨冰：蓝莓口味都系坊间比较少见，所以试下。面头有几粒蓝莓，淋上蓝莓酱，食左个顶会见到有旧蓝莓奶冻，味道都唔会过甜，亦都冇唔自然嘅药水味。呢个份量都算几抵，蓝莓就普通啲，比较酸，酱嘅味道略嫌淡左少少，不足以撑起整个冰，所以食到尾冇味道。我食食下，仲成个塌左，好可怜，冰溶嘅速度真系几快。试左几款，都系觉得白桃味道比较出众，值得一试啊。