影片
更多
2019-05-18
435 浏览
今日第二次食，未试过食野食到咁嬲😡懒人包喺最底总结讲下第一次食先，我之前系食炸鸡翼干捞米线，上枱𠮶阵觉得个干捞米线好怪🤧，用汁捞嘅，同想像中好唔同，但都算大份同味道可以嘅，绝对称唔上好食。不过见最近返工嚟开呢头，而且唔熟周围，所以今日决定再试🤐今日喺呢间餐厅食野嘅体验真系冇得顶，从未试过食得咁嬲😑我大约12：55到餐厅啦，坐低睇左阵就13：01落左单，要炸鸡扒时菜麻辣米线，之后就等野食到😀点知到13：15未到已经发现濑野，周围嘅人啲野食都嚟齐左，得我同其他差唔多时间叫野食嘅人未有野食，咁我就催下佢，之后佢就拎走左我张单去睇啦，话帮我快手少少整，但佢又唔俾返张单我😕点知13：20都未有起色，继续出其他迟嚟嘅客嘅单，完全无视我，我就再催下，因为佢拎左我张单去催又唔俾返我，而且佢又唔知系咪失忆，就拎左我隔离𠮶位大约13：05叫野食嘅女士张单去催，之后拎返嚟𠮶阵，我隔离位女士就话张单系佢嘅，个侍应先发现我冇单，以为我未叫，我心谂真系失忆架呙🙄不过𠮶阵谂住算啦佢可能忙，咪再催下就算，佢又问我叫左咩嚟食，讲完佢就话炸野要耐啲，已经整紧😩咁到左13：25左右，我都有啲赶，而且佢又剩系出其他客嘅单，咁
讲下第一次食先，我之前系食炸鸡翼干捞米线，上枱𠮶阵觉得个干捞米线好怪🤧，用汁捞嘅，同想像中好唔同，但都算大份同味道可以嘅，绝对称唔上好食。不过见最近返工嚟开呢头，而且唔熟周围，所以今日决定再试🤐
今日喺呢间餐厅食野嘅体验真系冇得顶，从未试过食得咁嬲😑我大约12：55到餐厅啦，坐低睇左阵就13：01落左单，要炸鸡扒时菜麻辣米线，之后就等野食到😀点知到13：15未到已经发现濑野，周围嘅人啲野食都嚟齐左，得我同其他差唔多时间叫野食嘅人未有野食，咁我就催下佢，之后佢就拎走左我张单去睇啦，话帮我快手少少整，但佢又唔俾返张单我😕点知13：20都未有起色，继续出其他迟嚟嘅客嘅单，完全无视我，我就再催下，因为佢拎左我张单去催又唔俾返我，而且佢又唔知系咪失忆，就拎左我隔离𠮶位大约13：05叫野食嘅女士张单去催，之后拎返嚟𠮶阵，我隔离位女士就话张单系佢嘅，个侍应先发现我冇单，以为我未叫，我心谂真系失忆架呙🙄不过𠮶阵谂住算啦佢可能忙，咪再催下就算，佢又问我叫左咩嚟食，讲完佢就话炸野要耐啲，已经整紧😩咁到左13：25左右，我都有啲赶，而且佢又剩系出其他客嘅单，咁我咪再催佢，同佢讲未整嘅话我就唔食，因为我都要返工，佢又话整紧啦🤨之后13：28左右有3个小朋友同1个老人家入嚟，应该同侍应系一家人，小朋友不停叫侍应，叫妈咪快啲落单，又不停大声谈话☹之后13：30，隔离个女士终于有得食，佢都冷笑呢间野服务态度差🤗咁见时间紧迫，我返工又唔可以迟到，所以我同佢讲取消成张单，我唔食啦，佢又话就快搞掂，衰心软就留低等多阵😞13：33左右连𠮶3个小朋友都有得食，佢地又系咁叫侍应，话妈咪我杯水果茶得未呀，非常嘈吵🙃13：35终于有米线食，不过得菜未有鸡扒，而且冇整到麻辣，但我好赶时间，快速同佢讲我唔要麻辣减返我2蚊，而且我杯野饮未到，我就同佢讲取消，因为我饮唔切，但佢就好似冇听到咁，问我饮咩，我再讲唔要杯野饮，佢又问饮咩，会即冲俾我，但我真系饮唔切，所以继续say no，佢就继续迫我要，然后经过几次，佢成功了，因为我冇时间同佢嘈要唔要野饮，唯有硬食🙄个炸鸡扒到我食完前少少先到，因为佢一直俾炸猪扒我，但我都唔系要炸猪扒，佢地好似失忆咁，问左我至少8次食乜，送错左至少5次炸猪扒，而佢俾我碟炸鸡扒根本就系炸鸡皮，冇肉可以食，得一大堆油☺最后我火速13：44左右食完去门口埋单，已经有一个女士等左阵，我就大叫埋单，先有人嚟招呼我地，因为佢整唔见我张单，所以连食左几钱都要我自己计埋😟
总结
呢间野有好多问题
1.漏单
2.上菜慢
3.侍应服务态度差
4.食物质素差
5.侍应先服侍自己屋企人
6.环境嘈杂
7.经常送错食物
问题未能尽录，详细可以睇返上面我嘅经历😔
张贴