影片
更多
2011-06-27
59 浏览
我知我已经至少有年几无帮趁过, 我亦知呢年几食材加价得好厉害.食材加价唔紧要, 我地明架. 一个餐以前卖$98, 啲鱼舖满成个碗, 而家食材涨价, 你依然卖$98, 但你将货就价, 你果$98就只系大碗白饭, 有咩用呀???? 我宁愿你加到$140个餐, 你门口有放餐牌架嘛, 我嫌贵就唔会入黎架啦, 我入得黎就预咗俾钱, 你俾番啲似样份量既食物啦.今晚食咗个蓝鳍吞拿鱼小银鱼套餐, 个餐黎到, 一睇碗饭, 直情唔敢相信自己对眼, 蓝鳍吞拿鱼只集中在碗中央, 就系相中见到果几粒(几粒当中仲有部份系三文鱼子, 唔系全部都系吞拿鱼) . 定一定神, 谂住啲鱼可能藏在饭下面啫, 用筷子挑开.................唔系下化??? 鱼, 就系得碗中间果十粒???!!!成餐饭, 如果唔系多得仲有几块渍物同一执仔甜菜, 成大碗饭真系唔知用乜送晒落肚. 味道, 因为份量太少, 真系食唔出咩味道.你唔掂, 你加价啦. 我果一旧水拎去食寿司, 我食到既鱼, 肯定多过你唔知几多倍啦.你唔掂, 加价啦, 你当我系LU LU, 我就唔返转头架啦!!!
我知我已经至少有年几无帮趁过, 我亦知呢年几食材加价得好厉害.食材加价唔紧要, 我地明架. 一个餐以前卖$98, 啲鱼舖满成个碗, 而家食材涨价, 你依然卖$98, 但你将货就价, 你果$98就只系大碗白饭, 有咩用呀???? 我宁愿你加到$140个餐, 你门口有放餐牌架嘛, 我嫌贵就唔会入黎架啦, 我入得黎就预咗俾钱, 你俾番啲似样份量既食物啦.
今晚食咗个蓝鳍吞拿鱼小银鱼套餐, 个餐黎到, 一睇碗饭, 直情唔敢相信自己对眼, 蓝鳍吞拿鱼只集中在碗中央, 就系相中见到果几粒(几粒当中仲有部份系三文鱼子, 唔系全部都系吞拿鱼) . 定一定神, 谂住啲鱼可能藏在饭下面啫, 用筷子挑开.................唔系下化??? 鱼, 就系得碗中间果十粒???!!!
成餐饭, 如果唔系多得仲有几块渍物同一执仔甜菜, 成大碗饭真系唔知用乜送晒落肚. 味道, 因为份量太少, 真系食唔出咩味道.
你唔掂, 你加价啦. 我果一旧水拎去食寿司, 我食到既鱼, 肯定多过你唔知几多倍啦.
你唔掂, 加价啦, 你当我系LU LU, 我就唔返转头架啦!!!
张贴
