橫綱

营业中

休息中

路经永星里，打开开饭网Apps揾食，排第一位嘅我冇兴趣，于是拣咗排第二位嘅横纲。响门口迎宾嘅系位中熟啊猪妈，心谂：「唔系卦，我食拉面㖞，唔系车仔面、云吞面㖞，年轻新世代嘅潮流饮食，唔系应该由年轻人主理咩？」边行边犹豫之际，行到水吧渌面位，望一眼渌面师傅，当堂放心哂。肥仔奇独门速辨掂与唔掂以貌取男人六字心法有云❝有须根，冇染发❞，即系食力稳重厨房真汉子，唔系玩玩吓Hea做花𡃁仔。一场嚟到，好日都唔经过，梗系尽量叫多些少款式试吓咩料。边睇边谂之际，先至发现此店聘用啊猪妈原来大有妙用。原来行出行入，几乎全是熟客，众食客与啊猪妈之间话题不断，一睇就知帮衬咗好耐。亦只有啊猪妈先可以带畀客人一种无芥蒂嘅亲切感。而且，啊猪妈主动斟茶、执碗碟、抹台、落单、搭讪，工作效率与效果俱佳。卤蛋生熟恰到好处，卤得香甜。可惜蛋唔似系日本货，输咗啲蛋嘅鲜香味。笋尖嫩、木耳爽、香葱香，个面底略有些少碱水味，唔算突出。豚肉够肥软，满油口香。汤底唔太咸，确系有啲鲣鱼猪骨味，但就❝好漏❞吓。跟餐细鳗鱼丼。一句讲哂：「响食拉面嘅地方，千祈唔好好似我咁，无鬼聊叫个饭食，一定冇好下场。」日式叉烧做得标准，肥瘦均匀，入口有猪味。最