永華麵家 (已結業)

上次睇杂志见到介绍永华面家被推评为一星米其林，之前我唔知有呢家面店，可以评为一星，估计味道应该可以吧，加上香港可以食到正宗嘅竹升面比较难揾，再加今日要去附近办事，店面唔起眼，但好多人排队。点左个鲜虾云吞面，呢度嘅特色菜，味道真系好好，值得推荐，云吞爽口，馅调得好味。面就更系特色了，传统嘅手工竹升面，加拿大面粉，鸭蛋+鸡蛋，经过老师傅用竹升慢慢咁整出嚟，所以面好有筋道，唔系果D一煮就烂，汤底都几好饮，几清甜。红豆沙都系值得一试嘅糖水，煲得晒时间，红豆全部都煲到软烂，再加入新会陈皮，豆香加陈皮，甜度又刚好，不过唔中意陈皮味嘅朋友仔就唔好点呢个喇。南乳猪手，猪手都浸入晒D南乳味，好香，又煮得好淋，味道好浓但又唔腻，值得一试。