喜來稀肉 (已結業)

虽然呢排天气热辣辣，但仍然无阻我想食韩烧嘅决心！而讲到韩烧，一定系我最爱嘅喜来稀肉！之前食过好多次铜锣湾分店，今次嚟到旺角分店，个人认为坐得更加舒服，而且服务非常好！有个男职员真系好值得一赞，不停会睇你嘅伴菜，炉边蛋，生菜够唔够，块烧烤板系唔系需要换等等。今次仍然系要咗我必点嘅喜来烤肉，玫瑰花嘅摆盘已经令人食指大动。作为食肉兽嘅我，其实平时食烧肉都好少用生菜包，反而会用呢旧肉来包饭，真系好好食！另外重点左牛舌，贪佢够薄快烧完。而且其实份量真系好多，其实三至四个人叫一条都完全冇问题 。而且有个自创食法，用牛舌配泡菜系好夹的！最后仲有护心肉，同佢哋店舖招牌猪嘅护心肉一样，非常淋！所以佢永远都系我食烧肉嘅最爱店！