群記清湯腩 (已結業)

「别人笑我太疯癫、我笑他人看不穿」之大埔群记清汤腩： 好多人都会觉得麻麻哋姐、N年前好食啲, 牛腩好柴这这那那，喺我心目中永远系香港牛腩面头三甲、知道佢光荣结业、排粒半钟都要会一会佢、挂住嘅唔只系佢嘅味道 、我嘅回忆、更重要嘅系老板娘嘅人情味。 入到去有位面目全非嘅阿姐同我讲冇净爽，感觉就好似破坏之王大师兄用边锤兜嘢中落我块面度Knock Down , 点知突然之间有把倩女幽魂嘅声音同𠮶个阿姐讲，「得㗎喇你照写啦」、 上到枱就系爽腩、同老板娘𠮶种微妙嘅关系不能用笔墨形容。 呢度嘅爽腩有样好：佢唔会好似九记咁要有暗号先叫到、又或者叫到佢都沟啲唔知乜嘢嘅部位俾你、反之群记真系比足料你，每件有返咁上下斤両、我个攻略位就系：爽腩必须要净食，如果有粉面的话、佢会将爽腩完整一大旧切细，咁样真系会影响到𠮶碗粉嘅质素，所以我相信如果叫净食的话、怨气应该不会太重😊老婆得一个，趁有机会三妻四妾，梗系叫一碗净爽、筋河、面珠E, 男人的浪漫、大家明吗「笑」营业到4月29号就结束，下星期再接再厉