汀汀烤活魚 (已結業)

平日都会返深圳, 系深圳食烤鱼, 水煮鱼丫个D~ 但系唔知点解香港系好少见哩类型既餐厅, 可能香港人唔太仲意食淡水鱼啦~ 但系朋友介绍我, 系旺角泉章居下面有一间食烤鱼,重庆烧, 叫"烤鱼工房" 佢话佢个度D烤鱼同重庆烧都几好食, 所以今晚约埋朋友一齐去试下... 开心开心~ 去到环境真系好唔错, D位好濶, 坐得好舒服~~ 我地点咗一个必食烤𫠐鱼锅$268, 加咗D配菜有芝士肠$32, 黑牛栢叶$48, 红薯粉$22, 蔬菜豆卜个D可以叫半份$22 尚叫低食~ (烤鱼开头觉得有D贵, 上枱原来洗面盘咁大碗, 足够4人食) 因为有朋友唔食得太辣我地点咗小辣, 未食闻到已经流哂口水~ 鱼好滑, 但肉质好实净好新鲜~ 开始后悔头先点咗咁多野~ 有D惊食唔哂~ 但个汤麻辣好惹味, 面头D花椒好正~ 好好味~ 而重庆烧, 烧茄子, 金菇牛肉卷必食推介, 好辣既朋友必定要试既餐厅~~ 全给满分~~ 正~