越北牛肉粉

营业中

休息中

赶时间又见其他铺要等位所以入去快速食一餐叫左个一人餐$88 包一个主食、小食同饮品猪颈肉一人份量，唔算入味，亦都冇酱料提供，跟住上嘅腌菜味道普通。不过猪颈肉虽然烤过但唔会干，外皮香脆，加返少少分。但整体嚟讲唔太值得试。生牛肉河粉卖相普通，一团糟。不过落单𠮶阵可以拣走葱、走芽菜、走蒜、甚至走金不换，几贴心。青柠同辣椒跟住上，但我个青柠干到一滴汁都挤唔到出嚟，索性成个柠檬掉落去。汤底普通，牛骨味唔重不过有香料味，我几钟意佢有葱丝同时有埋葱粒，多啲口感亦都多啲葱香味。牛肉算有牛味，大概系冻肉舖$58-78磅嘅质素。朋友𠮶碗生牛肉河卖相好啲，而且啲牛够生，呢样好重要。整体嚟讲不过不失，唔会专登去食。