影片
更多
2009-01-21
9 浏览
做午市，真系一轮轮，快手翻台就算。呢个餐饮业定论绝对可以系新世纪一寿司见得到。午市有多款套餐，价钱由三十几到五十几蚊不等，不包饮品，要加特式饮品就 $9 一杯，另收加一。我同朋友叫左两个餐 Share 食。首先要讲明，味道真系无问题既，中等货色，但系卖相同服务就真系跟足「午市定论」。1. 自选寿司 (两款各四件) + 猪骨汤拉面 ($45)自选寿司系有指定八款既，任拣两款，每款四件。我地拣左牛油果鳗鱼寿司同埋三文鱼卷。几旧寿司都好明显系拿拿临包，嘘嘘声切，所以真系散修修，点一点豉油，就半件跌左落豉油碟。至于个猪骨汤拉面就真系经典，系我咁大个仔以来食过最细 Size 既拉面，只系比屋企只饭碗大少少。咁都不特止，碗入面有半边系吉既，只有汤，另外半边先有面同配菜，可以放到得半只碗装野都真系令人叹为观止。2. 海胆海鲜炒饭 + 两件加州卷 + 面豉汤 ($42)海胆海鲜炒饭系全张台最似样既食物，味道上佳，不过海胆真系得好少，要扣分，而且同炒饭味道都唔夹，咁不如平 $10 俾我，就咁海鲜炒饭算啦。两件加州卷……又细又散，即系同你「拿埋一住」咁放入口无乜分别。服务都真系好求其下，晚市帮衬都会「多谢
呢个餐饮业定论绝对可以系新世纪一寿司见得到。
午市有多款套餐，价钱由三十几到五十几蚊不等，
不包饮品，要加特式饮品就 $9 一杯，另收加一。
我同朋友叫左两个餐 Share 食。
首先要讲明，味道真系无问题既，中等货色，
但系卖相同服务就真系跟足「午市定论」。
1. 自选寿司 (两款各四件) + 猪骨汤拉面 ($45)
自选寿司系有指定八款既，任拣两款，每款四件。
我地拣左牛油果鳗鱼寿司同埋三文鱼卷。
几旧寿司都好明显系拿拿临包，嘘嘘声切，所以真系散修修，
点一点豉油，就半件跌左落豉油碟。
至于个猪骨汤拉面就真系经典，
系我咁大个仔以来食过最细 Size 既拉面，
只系比屋企只饭碗大少少。
咁都不特止，碗入面有半边系吉既，只有汤，
另外半边先有面同配菜，
可以放到得半只碗装野都真系令人叹为观止。
2. 海胆海鲜炒饭 + 两件加州卷 + 面豉汤 ($42)
海胆海鲜炒饭系全张台最似样既食物，味道上佳，
不过海胆真系得好少，要扣分，而且同炒饭味道都唔夹，
咁不如平 $10 俾我，就咁海鲜炒饭算啦。
两件加州卷……又细又散，
即系同你「拿埋一住」咁放入口无乜分别。
服务都真系好求其下，
晚市帮衬都会「多谢前多谢后」，
午市就真系茶餐厅服务水平。
全餐本应系 $95.7，打单竟然自动收足齐头 $96，
呢一种营运方法唔值得鼓励，系应该抨击既，
始终贴士 (虽则三毫子) 始终系客人既意愿。
全餐 $96，平均每人 $48，无餐饮。
比起好多打工仔黎讲，呢个午市价钱已经算贵，
尤其是仲要咁既时势。
不过唔明点解仲有咁多学生仔去食架呢？好富有㖞！
张贴
