雲貴軒米線專門店

营业中

休息中

工作原因入咗元朗朗屏邨附近，lunch time又唔想行咁远，唯有喺朗屏商场揾嘢食。呢间餐厅一睇就知系食辣，虽然我唔系好食得辣，咁啱呢排胃口麻麻，食小小辣嘢刺激下又无妨。集团式经营连锁店，地方都算干净企理嘅。我点咗一个四川酸麻红薯粉(微辣)配猪腩肉$45+冻饮$3。对我嚟讲汤底微辣都仲几辣下。猪腩肉系入味嘅，不过鞋咗啲。红薯粉尚算爽口弹牙，仲有炸酱、花生、榨菜同芫茜等配菜。份量个人认为唔算多，价钱就同一般茶记食个快餐lunch差唔多，抵唔抵食就见仁见智。