February

营业中

休息中

今日友人生日，所以要庆祝一下。上网见观塘好多店舖食评都好多笑哈哈，朋友话要拣间有feel,有气氛既，所以拣左呢间。原本以为会好华丽，点知门口有只熊啤啤坐系度，好搞笑。见到威灵顿牛柳好似好正，但原来要预订呢。。唯有下次先啦。朋友话好想饮汤，原本以为细细碗，所以点左两碗。点知超大碗，系用装意粉既碟上。早知点一碗就够。饮完都半饱了⋯不过都几足料同好饮，真系见到一大匙黑松露。接住有青口，个汁唔错，不过如果配活蓝青口就会升华不少。德国肠有5大条，有四种味道，各有特色。两个人食有啲多，个人认为四个人先好点。因为真系好大条！配酸菜茄汁都几好食。和牛汉堡好好食，有烟肉、菠萝、蘑菇同厚厚的汉堡，食落juicy有层次，多汁又好味。不过真系好饱，最后食唔晒薯条⋯一开始就点埋甜品，结果饱到一个点，哈哈。真系估唔到样样野食都咁大份。但甜品咁啱细细件，可以用第二个胃食埋佢。